Bat batean

Mitxelena

 Goiza parrez...

 Zarautz-miñez

 yoalea ni-baitan

 iri deiez, iri deiez

 dulunka ai! ari zaitan...

 Jai Zarautzen,

 Etxebeltzen;

 nik urrundik min emen...

 Etzidane niri uzten

 igana gaur joaten!

 Arrebatxo!

 Lekaimetxo!

 al didan barkatuko

 nire errua! Oraindio,

 maite al naun izango...

 On ta otxan

 izan intzan

 niretzako munduan.

 Amaren ordezkaritzan

 i lakorik ez niñan...

 Lili bigun

 intzan ordun;

 Yesuk yakin ta alda iñun...

 Lekaimetxa ortan barrun,

 eman deiñala Zorun!

 O bai, ni bai,

 yungo pozik

 gaur i ikusteagatik!

 Ni or izan ezagatik,

 maite nazan oraindik!

                                                                           1942