Belengo ama!

Mitxelena

 Mirari paregabea

             Belengo Ama! zurea.

 Sortu diguzu sortu zinduan

             Guziz-Gora'ren Semea.

             Bederatzi illabetean

             azi zenun sabelean

 t'orain besotan estutzen duzu

             kabitze ez dana izartean.

             Laztan, urruma eta musu,

             bular ematen diozu...

 Oi amatxoren bero gozoak

             nola pozten duan Yesu!

             Yesu bezin seme ta ume

             altzo ortan nai dut nik ere,

 edan ta edan bular ortatik

             zerurako azi arte.

             Geroko ostiral batean

             Yesu ori ilko danean

 ta ura-gaberik zure magala

             uts-utsik ai! gelditzean,

             Yesu bezin seme ta ume

             artuko nazu bai... ortxe!

 ta edango dut bular ortatik

             zerurako azi arte.