Neguz
Zaitegi
Anboto mendia elurretan zuri,
oian orlegiak burua beluri:
errekaldian izotza,
ta kezkati dut biotza.
Etxe-sukaldea neguan maite dut,
biotzeko kezkak yasango buruzut:
surtara yaurti egurra,
alde biyoa beldurra.
Ekarri naparra ta erre artoa,
gure sukaldean urtu da laņoa:
artazuritzen dut eder
etxe-barruko su-bazter.
Urrun yoanik da Udaberri alai:
aren txori-lorek nire baitan dirdai.
Orain, ordea, non abil
Udaberriko neskatil?
Ixurka badoaz egun beltzak arin
ta su-bazterrean arki dut atsegin
Bearrik, txori-liliak
sortuko Udaberriak.
