Nere bideak barna
Zaitegi'rena
Laņorik ez ortzian, goizaren ederra!
Lili berriz dirdaika etxeko bazterra.
Beso-lagun gazte dut neska udaberri:
gogoan ikara ta ortzetan dut irri.
Bi bide aurki nitun oianaren urbil:
bidazti bakarra ni, biak ezin ibil.
Luzaroan geldi naiz, bi begiak zabal:
bazter ederragorik amestu ezin al.
Auznarrean lotu naiz ez-noa ba-noa:
pagadian kantari dut birigarroa.
Azkenik aukera nun bigarren bidea:
gain-gora nabillazu, utzirik bestea.
Bide obe usteak ortaratu niņun:
oingiro bikaiņa ta argia edonun.
Bi bideak goiz artan oiņatzik etzuten:
nik, baņa, lenengoa utz ta yo nun zuzen.
Asperenaz dioket gau ta egun ixil:
bi bide arki nitun oianaren urbil.
Ibilgabeagoan egin nun indarra:
nire bizitzan ori dut alde bakarra.
1950 gko. Gabonillak 14
