|
Orri muskerrak
Zaitegi
Orri muskerrak galdu,
eta zenbait orbel
besterik ez ditudan
zugaitz nauzu goibel.
Niregan txori saillak
kabi zuten epel,
ta orain adar-uts naiz,
bizi-neguz mengel.
Atsalde apalean
eguzkiak murgil
eta nere burua
ageri da zurbil;
gauak, erioak lez
atzeman nau ixil,
ta elur ta izotzak
neregan dira bil.
Zerau baitzera urrun,
ta negua urren:
agertuko zera zu,
ta elurra lurmen,
orri-miņa berriro
somatuko lertzen,
eta bizi berrian
izango dut kemen.
Guatemala'n 1951 gko. Epaillak 29
|
