Maitasunezko gau artan

Mitxelena

 Maitasunezko gau artan

 errañuz zegon aintziran,

 ortzen anbat izarño

 uretan islatzen ziran...

             Ez duzu gogoan nola

 izarñok islatzen ziran

 errañuz zegon aintziran?

             Alaxe nerau gau artan

 zure begien diztiran,

 lilluraz zenun begiran!

             Bakar-bakarrik sarritan

 nijoakio ordudanik;

 baña goibeldu zanetik,

 aintzirak eztu izarñorik...

             Zeru goilbeldu zanetik,

 aintziran ezta izarñorik.

 Aintziran ezta besterik:

             Orbel oroimingarriak

 urlo geldian lo sollik...!