Itsasoa!

Iratzeder

 Itsasoa!

 Zuri behatu gabe nola egon naite?

 Zure boz latzarekin, othoi! Mintza zaite;

 Erradazu zertako zaitudan ba maite.

                   Itsasoa!

 Zertako bada pizten dautazu bihotza?

 Ez othe zare zu maiz hilzale bat beltza!

 Hezurrak itsaspean ez othe dabiltza

                   Itsasoa!

 Zertako ur ondoan naiz ardura jarri,

 Choraturik behatuz tirainen dantzeri!

 Zertako harroketan niz kantuz maiz ari!

                   Itsasoa!

 Zertako zuri beha nago choraturik?

 Amaren besoetan zu ezaguturik?

 Horrek ez du ematen holako lillurik.

                   Itsasoa!

 Zerk du ba zure baitan choratzen gogoa?

 Zabal zabala zare, muga gabekoa;

 Gogoratzen dautazu gure Jaun Goikoa.

                                                             14-6-38, Larresoron