Bi mutiko (1)
Iratzeder
Bi mutiko txiki txiki
dena begi, dena irri...
Bi mutiko so egoiki
etxekoen xoragarri...
Heiagorako zaunden bi biak.
Ezpain matelak ņoņoz bustiak:
ni agertzean, ni ikustean
harritu zaizkit bi biak.
Bi mutiko txiki txiki
matel xabal, matel xuri...
Bi mutiko, amultsuki
potka eta tinka ari.
Heien Aingeru egal zabala
hara heien zain irriz dagola:
Ai baloazi, balire bizi
harek amestu bezala.
Bi mutiko txiki txiki
dena begi, dena irri...
biziari so egoiki
zeru-lurren xoragarri.
(1) Bi ilhobaņoak ikusirik.
