Azken itzultze
Marko Vesovic
I
Aspaldidanik ene urratsek ez dituzte
etxeko berinak ikararazten.
Ene urratsek, badu oren bat jadanik,
ene etxe arroztuaren ezarekin jotzen dutela.
Badirudi une bakoitzean
miatzeko eskubidea beharko dela.
Amaren ganbaran, oinen pean zola kirrinkan,
elur xuria iduri bide xendra zilatzean.
Ez dira ganbarak
gelak dira, soilki.
Han naiz bidaiatzen. Ene arimak ez du oraindik
bere etxea aurkitu. Bere auzo bakarra geldituz horrela
Supasterrerainoko xendra zilatuz beti,
handik airatzeko - poetaren bluieta bezala -
mundu zabalari buruz.
Gela batetik bestera, boza derabilat,
bere oihartzuna zehaztuz,
eta ene oihuekin gela deseginak besarkatzen ditut.
Hezten dut boz azotetuarekin espazioa
pizti bilakatua hor ez nintzelarik.
Eta ez naiz geldituko, berreskuratu arte
ene urratsez harmonia hori (galdua ote?),
amak bere ezkonberri kutxa ideki arte,
eta perfumeak, galeper hegaldatze bat bezala,
handik askatuak eskapatu arte.
Beti bezala irasagar usaina
hegaldatzen da lehenik.
Haurrean, har esker, asmatzen nuen
arima zer zen.
usain horrek errango dit:
etxen haiz azkenean!