Urtaroz urtaro

Elorri Espil / Miren Laxague

 Udaberrian,

 natura lotarik atzartzean,

 loreak ixil-ixilak berpiztean,

 lo ziren hartzak jeikitzean,

 oihan guzia jaunzten da...

 ferdez!

 Udan, goizean,

 eguzkiak irri zabala egitean,

 jendeak lasterka, jauzika, kanpoan,

 xinaurrien gisan.

 Gauean, mendiak ixiltasunean,

 izarren dirdira,

 lilien usain eztia,

 haizearen ezpain goxoen...

 potta !

 Udazkenean,

 hego haizearen fereka.

 onddoen xapelak ageri

 hosto eta gaztainapean;

 jendeen hatzak...

 iratzetan.

 Neguan, aratsean,

 oro su bazterrean:

 irriz, kirtzikan, istorio kondan.

 Etzateko tenorea: "Gau on pasa!"

 Ekaitzak garrasi, haizeak marruma;

 inhaziaren zafiari zeruaren burrunba!

 zein goxo den...

 mihise xurien gerizan!