Ilargiaren segeretua
Maitena Bizkai
Gau argitsu
goxo huntan
zerua izar diztiratsu
hegalariz bete da.
Begiratzen dut
nik gauero
izar gazteena;
beti so,
ezin lo.
Izar-haurra,
irri goxo bat egin-eta,
segidan,
lokartzen da.
Ilargi handiak
ipuin xoragarri bat
kontatzen ote dio?
Kulunkatzen ote du
kantu eder bat kantatuz?
Baina ilargi handi argiak
segeretua beretako
gordetzen du.
Oh! orain laster
lokartu behar naiz
ni, zelaietako loretxo,
Jaun Eguzki
etorri baino lehen!
|