Ene beste guztiak
Lutxo Egia
Begiak esaten duenak
ahoa, belarria, sudurra
eta ene beste guztiak ere
esan baiotezake.
Demagun ahoa. Eta
demagun beste guztiak ere.
Baina lehenik eta behin
ahoa, eta gero zakila,
eta zakila baino lehenago
besoa, eta sudurra gosaldu
aurretik, eta kopeta kokotaraino
gaudenean, eta gero oina,
eta geroxeago atzamarrak,
eta bihar amestutako
alea eta bularrak, eta
inoiz ezkerreko hanka,
eta inoiz ez eskuinekoa,
eta beste guztiak
da gokien orduan, noski
Eta demagun ahoa,
belarria, sudurra eta ene
beste guztiak greban daudela
funtzionarioak direlako
eta, gainera, sindikatu
batekoak.
Baina demagun ahoa.
Eta hori guztia Atxuriko
karrika baten.
|