Ene begiak

Lutxo Egia

 Nonbait lapurtu dizkidate begiak.

 Ene begiak lapurtu dizkidate, nonbait.

 Begiak, nonbait, ene begiak

 Nonbait.

 Dagoeneko ez dut begietarik haratago ikusten.

 Begiak ene begien so.

 Ene begiak begiei begira.

 Begiak begien baitan ilargi betea ispilu aurrean balitz bezala.

 Baitan eta baitan.

 Baitatik elkarri so.

 Elkarri begira.

 Baitan, nonbait.

 Bailan eta kanpoan.

 Baitan, kanpoan, azpian, goian, ezkerrean, eskuinean, Urrunan,

 Sebastopolen (titiriterorik gabe), macaon eta Jugoslabiako

 ohianean.

 Ene begiak eta begi lapurrak

 Ene begiak eta begi delinkuenteak.

 Ene begiak eta legez kanpoko begiak

 Lau begi eta ikuspegi bakarra.

 Lau begi.

 Lau begi eta lau behi.

 Lau begi, nonbait.

 Lau begi Atxuriko karrika baten tabernaz taberna.