Urzoa

Jean Louis Davant

 Urdinaren ametsa, botzez beztitua

 Gora dakar iparrak, ezin aurkitua.

 Ametsaren urdina, opari egina

 Hegoak ixurtzen du eskuen adina.

 Sareratu nahi dut, igeri balaki,

 Jabetzeko dizkiot hegalak ebaki.

 Urdinaren ametsa zeruan dabila,

 Ametsaren urdina lurrean da hila.

 Urzapala dabila nonbait berraturik

 Bere laguna baitu berrian galdurik.

 Urdina zilaturik, amets bat gutiago

 Askatasuna hil dut eta triste nago.