inprimatu
Bide bazterretako arbola
Izenburua:
Bide bazterretako arbola
Sinadura:
Auxtin Zamora
Urkizaren iruzkina:
Egilea(k):
Zamora, Auxtin

Argitalpena:
Maiatz.
Urtea:
1992
Argitalpenaren urtea:
Alea:
20.zk.
Orrialdea:
25

Bide bazterretako arbola

 

Auxtin Zamora

 

 Su haziaz egin nituen izarrak

 nihunerekoak

 bezala gizonak,

 eta gauza asko: zirimolan denak

 

 Bainan uste nuke utzi nituela

 bide bazterretan

 arbolak bakean

 dituzten ametsez bezti ziteztela

 

 Bai eta erromes bidalier direnen

 urratsen errautsak

 irri ta xagrinak

 beren aldaxkeri zintzili zitezen

 

 Negua delarik dira urrikalgarriak

 kanpoan bakarrik,

 arras biluziak,

 haize hotzarekin daldarez josiak

 

 Orotarik zilo zabalik besoak,

 adar punten puntak

 xorox xorroxtuak:

 hobeki hartzeko zeruko indarrak

 

 Hotz eta min dute beren erroetan

 dituzten ametsak:

 biharko hostoak

 hasten direlakotz sortzen lur barnean

 

 Atherbetan gizon eta abereak

 sartzen direlarik,

 goxatu nahirik,

 neri beha daude arbol biluziak

 

 Ez nituzke nahi ikusi sofritzen

 Neure iduzkia,

 goxo estalkia,

 beren abarretan diotet pausatzen.

 


inprimatu