inprimatu
Hire begi larrietan eta...
Izenburua:
Hire begi larrietan eta...
Sinadura:
Manex Erdozaintzi-Etxart
Urkizaren iruzkina:
Egilea(k):
Erdozaintzi-Etxart, Mañex

Argitalpena:
Maiatz.
Urtea:
1992
Argitalpenaren urtea:
Alea:
20.zk.
Orrialdea:
4

Hire begi larrietan eta...

 

Manex Erdozaintzi-Etxart

 

 ez dituk ez

 jende herrebesak

 edo jende makurrak

 edo belDurtiak

 gure herritarrak....

 geuRe herri honen borroka

 duk gogorra

 askatasunerako bideetan

 eta luzea, luzea, luzea...

 

 ttortta ttortta ala burrustan

 hirekin nabilak oren luzeak, luzeak

 egunaK eta egunak, ezin aspertuz

 bizia pil-pil bere beroan

 hurrupatzen den herri honen betean

 nabilak irriz, kantuz, dantzan

 hire musika zoragarrian eramana

 plazaz-plaza

 gaur

 ...

 

 HIRE BEGI LARRIETAN ETA

 HIRE LANGILE ESKUETAN,

 FREDERIKO,

 ZERBAIT DITUK

 HERRI HAUTSI BATEN OGIA

 ETA ARNOA

 ETA HERRI XUME HONEN

 BORROKA...

 

 HIRE BEGI LARRIAK ETA

 HIRE ESKUAK,

 FREDERIKO,

 HASTEN DIRELARIK IKARATAN

 AZTAPARKA LOTZEN DIRELARIK

 HIRE ESKUAK

 HERRI HONEN OGIA OREZTATZEAN

 PINDARKA HURE BEGIAK

 JAUZTEN DIRELARIK

 MAHATSA BRENTSATZEAN...

 

 HERRI LANGILE HONEN ERRAIAK ERE

 BIZI BERRI BATEN SORTZEAZ

 HASIAK DITUK INDARTZEN...

 

 ZUBEROAKO MENDIETARAINO...

 

 ZUBEROAKO MENDIETAKO

 LORE BIKAINA

 KRISTINA

 HEURE HEMEZORTZI URTEEKIN

 JOAN DEN NEGUAN

 SUBAZTER XOKOAN EZAGUTU

 HINDUANA...

 

 Mintzatu nahi-ta frantsesez

 behartu hire kezka larria

 euskara galdua

 adiskideei salatzera...

 hire odolaren beroa lagunei

 erratean:

 "Zendako ez dit ikasi euskara?"

 hire soiburuen mugimendua

 gitarra jotzean, polliki eta finki,

 hire ezpainen ikara

 Mauleko antzokian

 kantatzean:

 "Zendako ez dit ikasi euskara?"

 

 ZUBEROAKO MENDIETAKO

 ABOTS BIKAIN

 KRISTINA

 HEURE HEMEZORTZI URTEEKIN

 AURTENGO UDAN

 EUSKARA IKASTE HASIKO

 HAIZENA...

 

 Ez ditun ez

 jende uzkurrak

 edo jende herabeak

 edo lotsatuak

 gure herritarrak...

 abestuko diten hire gitarraren

 kexua, gozoa, marruma,

 lankietan, iraztorretan, plazetan

 datorren neguan...

 

 HERRI KANTARI HONEN ERRAIAK

 BIZI BERRI BATEN SORTZEAZ

 HASIAK DITUN ALAITZEN...

 


inprimatu