Beroa
T. Alunda
Larrapoteak saltoka,
graminiaz hazitako zelai gainean,
eta gereziondoak lo,
begiradak gordetzen.
Norbait paseiatzen da,
lurrari itsatsia den bere itzal
luzearen atzean,
pekatuen arima iluna
bezalakoxea.
Zelai osoa
sute horixka eskerga,
eguzki borobilaren
argi ankerraren pean.
Badira neskatto nekazariak
traktoreak gidatzen
inhurri haragijaleen durrundaren borrero.
Eta haurrak larrutsik
laharraren atzean izerditan
elkarri erakutsiz.
|