Abuztuak 6a
T. Alunda
Aditu
nola eradotzen diren
igerlariak uretan,
nola txalotzen duten
bizi argala urgainean utziz,
urduri.
Asko dira,
bainujantzi horiak,
berdeak,
beltzak,
beren barrumuinaren gauean
bainatzen.
Zein dugu kanpeoia?
Nork gainditu?
Zenbat aldiz iratzarri nauen urak,
baina ez formulak,
urak berak baizik,
piszinako hormetan
kolpe arinak emanez.
Italiar batek
gau-bainua posible ote galdetzen,
eta insektu guztiek,
barre nimiñoez,
baimentzen diote.
Tranpolinatik salto egiten du,
suizida bezala,
aingeru zorabiatua,
eta ura
ixila, geldia.
Nere leihoa
ilargi borobilarantz irekia,
bala kaska bat bailitzan.
Ura lokartzen da,
italiar bat ito bitartean...
|