Gordetzen duzuna
T. Alunda
Erroak itxita amets dagi,
pinpilipauxaz gainezkaturiko argian,
kristal okilak,
itsuak.
Gauean ari zara ibiltzen,
altua,
mugagabea,
izarretara zuzendutako batailoia bezala,
beldurgarria,
azalduezina.
Deitzen zaituena
itzulerako ordua da,
liņozko isara zuriak,
punisagarren usaina,
limoiez beteriko armairuak,
goizez estututako begiak.
Zure betseietan egunabarra,
tinko begiratzen duzun bakoitzean,
elektronezko eramaitzaren gisa.
Bidean ur putzu bat;
salto dagizu.
Harri bat;
salto dagizu,
salto dagizu...
Zure besoen artean
behin betirako galduta eta
hila dagoen zerbaiten
taupadak
somatzen dira...
|