Irratia piztu maitea
T. Alunda
Orain ixilik hago.
(Ene erregina)
Neure eskularruez ikutzen dinat,
hire oherainoko hegalaldi megaherzikoan
murgildua,
guzia bakuna eta arrunta bailitzan,
lojikaren ertzean eseria
(Ene erregina)
itxo egingo bainindunan,
"mambo" zaharraren doinuak xuxurlatuz.
Eta gaur bero zegon,
sekulan izandako berorik antxuena,
dena goibel,
xingila,
hemen,
non orduak atsekabestatuak eta lehertuak
pasatzen baitira,
insektu hegaldunen firfira hunkigarriak
zalapartaka bide egiten
beren herioa den
negurako bidetik...
|