Iturria
J. Lafitte
Iturri gardena basoan landua,
Sahets eta haltzen ederren azpian.
Piñuen goitik itzal urdin heldua,
Iguzki bero gaixtotik gu zaintzean.
Bideska hestu batek, kukuz beterik,
Kurbaka iturri alderantz narama.
Goizeko jin margarita beltzarana,
Xoriñoen kantuek liluraturik.
Oinhutsikan, atorra txit idekia,
Buruan zapia duela, botoila hartu.
Poliki ari da sartzen ur garbia.
Kopetatikan bi xorta hotz kendu,
Ur garbian begiratuaz aurpegia.
Haizeak mugitu ileak orraztu.