Bertsio ofiziala
Anonimoa
Miguel Maria Zabalza, terrorista,
Donostian detenitua 1985eko
Abenduaren 20an, goizaldeko ordu bietan
Eta berehala interrogatua.
Hurrengo egunean, bere delitoak
Aitortu ondoren, besoa eta gaua profitatuaz
Ihes egina mugaz bestaldera,
Behelainotara, iluntasun
ezezagunera.
Hala deklaratzen dugu auzitegian
Orduan, bere burua galdu zuenean,
Zaindari zituen goardia zibilek, guk,
Gizon ondo uniformatuak,
Alta familiakoak denak, jende zintzoa
Eta bere eginbidetik apartatzen ez dena,
Euskal Herriari eta Espainiari egiten diogun
zerbitzu arriskutsuagatik
Sarritan kondekoratuak.