Helikoki
Mayi Pelot
Eli eli lama sabactani
helikoaren euli burua
burrunban
HELI
KARRIKAN
irabelar urdineko
lau beso biraka
itzalen errotak eguzkia
ehotzen digun goizean
HELI
KARRIKAN
mutikoaren eskuan baloia
martzuka bezain gorria
GOIZIK
zeruan
zintzilik
HIRI...
han
zaldi
buztan
motz:
heriotz?
Herri hotz
hotzean beti
gogo gazte pizkorrean
argi urdina
pizten ari
gatuaren begi
arrailduan harri
krixtal ximixtako
lilia beldurti
Pasatzen naizenean
zure leihopetik
nere bihotza, lapurti
nigar errez bizi bedi
Baloia umearen eskutik
zerura ihesi
euri
euri
herriko euli burrunban banaka karrikan
korrika ala taka taka
eulili
lili marmar
"Agur Lili Marlene"
"Hiri, Talkie!"
euli
helikop dilindan
dar dar
mutikoak
esku
ikaratiaz
hodeiak
zaldi
luzatuak
erakutsi
DAR DAR
BURRU
NBAN
BURRUN
BANBU
RRUNBAN
BURRUN
BAN
BURU
BURRU
NBAN
BURRUN
BANBUR
RUNBAN
BURRUN
BAN
BURU
HEL, hi!
Irabelar desurdindua aho ertzean euki!
Eulien kolpez larri;
mutil bakartia
hilherriko amentsetan ttuku ttuku ibili
kukuka irriparrez hitz bi,
lau begi, argi izki bipilean eki... Euki!
Baloi gorria
(nondik ba?)
elizako teilatu euritsuetan gaindi
zeiharka
ator urdinen gainetik ixil
ixilik... Higi!
Zeru hiri nabarrenpean apalki
aire!
Hondartzan ixil, hi,
itxarpenaren xirri-mirri...
Etxeko atari erhaustuan nerabe kizkurra
gaurko ogia eskuan
biharko ilargi epela ezpain sabeletan
zure Lili Marlene zuhurki ala segurki?
Baloia, goiti, martzuska minduak haizearen azala igurtzi
zutaz Lili Marlene amoroski, ("Hiri, Walkie!")
neba itzal samurra bihurtzen den
tokiari buruz BURRUNBAN
Herri
gorputz eskainia bezain
sargorian gorri
egon gor, hi,
gor, mutu eta biziki
gotor
Pasatzen naizenean zure leihopetik
zure leiho biharko euriz busti bedi
Bihar ere izana egunsentia deituko duk
Berrir'ere izarrak egunerokoa erdituko dun
baietz
Lili
Marlene
garaipen apteraren izenean
hala
bedi