Arratsetan

Delphine Lubet

 1

 Neguan ala udan

 Eguna bete ondoan

 Sukalde goxo batean

 Denak biltzen girenean

 Zer goxoa!

 2

 Erlea bezain langilea

 Zuhurtasunez betea

 Harendako beti lana

 Kanpoan barean bezala

 oi ama!

 3

 Han zagon sukalde xokoan

 Untzien ura suaren ondoan

 Aitak ikuzten zituen ur hartan

 xukatzen arpil latz batean

 zangoak

 4

 Usaia zen afal ondoan

 Egiteko kartsutasunean

 Belauniko umiltasunean

 Otoitzak denak batean

 Jainkoari

 5

 Aita zen hasten lehenik

 Serioski kurutze seinaletik

 Ama, segitzen ondotik

 Laster, azken lanak eginik

 Otoitzez Jaunari

 6

 Artetan ginen jostatzen

 Izpiritua zen barreatzen

 Ezpainak gintuen tinkatzen

 Irriz artzeko

 7

 Aitak boneta harturik

 Eskua altxatzen zuen gorarik

 Erranez "haurrak zauzte ixilik

 Ez duzea Jainkoaren errespeturik

 batere oraino"

 8

 Aipatuz etxeko arimak

 Akabatzen gintuen otoitzak

 Oherat joaiten ginen denak

 Trenpatuz bederazka eskuak

 ur beredikatuan

 9

 Milesker burhaso maiteak

 Baditugu zure etsenplu ederrak

 Agian zuen haurren haurrek

 Segituko dituzte zuen sailak

 Azken eguneraino