Alportxak
La Fontaine
Huna, eguņ batez Jupiterek
Zer zuen erran:
"Hatsa duzuen ber, Izaiteak,
Zatozte ene ganat denak,
Belaunika zaitezte ene zangoetan,
Aitor beldurrik gabe zuen arrangurak,
Hitzemaiten dautzuet sendatzea.
Zato, ziminoa, mintza zaite lehenik,
So egizu deneri, eta, ikusirik
Zure itsusdura eta heien edertasuņa,
Zer diozu? Atsegabe zare?"
Ni, Ategabe naizenez?
Erradazu, zendako ez!!!
Ez ote ditut lau zango bertzek bezala?
Ez dut orai arte entzun erasirik
Ene itxurari eginik,
Aldiz, hartzaren muturra,
Hain da itsusia,
hari so egin eta,
Denak doatzi iheska"
Huna nun, hurbiltzen den hartza.
Denek uste zuten zinkurika ariko zela,
Zer aperentzia!
Bere burua zuen azkar goratu,
Elefantaz trufatu,
Erranez, behar zuela,
nahi bazuen edertu,
Buztana luzatu
Eta beharriak moztu,
Ipete zela eta arras tontoa.
Hurbildu zen elefanta,
Harek jujatu balea
Zinez gizenegi zela.
Eta xinaurriak kausitu
kukusoa ttipixkoa,
Bere burua zaukalakotz gaitza.
Hola zenez geroz,
Jupiterek haizatu zituen denak
Dio ixtorioak
Eroenak izan zirela gizonak.
Gizonak beti begia argi bertzentzat
Eta satorra bezain itsu bere buruarentzat.
Dauzkagu gure bekatuak
Beti ez deuskeriak,
Aldiz lagun protsimoaren huts ttipiak
Ezin barkatuzkoak.
Ez dituguia emaiten gure alportxetan
Aintzineko sakelan, agerian,
Bertzen huts guziak,
Eta gibelaldean, gordegian,
gure laido handienak.