Atean idatzia
Saint-John Perse
Badut larru bat tabako gorri edo mando kolore,
badut buruko bat sabuka bihotzezkoa oihal xuriz estalia.
Neure urgulua hau da: guziz ederra izan dadin ene alaba emazte beltzeri manatzen
duenean,
neure bozkarioa, ager dezan beso bat xuri-xuria bere oilo beltxen
erdian;
eta ahalge eztadin ene matela ile pean latzaz, iztildurik sartzen
naizenean.
Eta lehenik emaiten dazkot ene zaharoa, xahakoa eta burukoa. .
Irriņo batez ordaintzen nau nere aurpegi ura darionaz eta baderamatza
bere begitarterat ene eskuak, kako amanda, kafe bihia haztaturik urintsu.
Eta gero badakarzkit buruko oihal azantz egile bat; eta nere ilezko zaia; ur garbia
nere ixil hortzen bustitzeko:
eta hortxe da askattoko ura; eta badantzut aintzirako ura ur-tegian.
Gizon bat gogorra da, haren alaba eztia. Egon bedi beti
hura etxerat itzultzen denean etxe xuriaren mail gorenean,
eta bere zaldiari dagiola belaunen tinkiaren fagorea,
(gizonak) ahantziko du aurpegiko larru guzia barnerat deramakon
sukarra.
Maite ditut oraino nere zakurrak, zaldi lerdenenaren deia,
eta nere gatuaren ikustea bidexka xuxenaren buruan etxetik ateratzen
zimino emearen lagun...
guziak aski diren gauzak ez izaiteko oihal-untzien oihaletaz bekaizti
ikusten ditudala burdin-orstozko hegaztegiaren heinean itsasoan zeru bat iduri.