Beyrutheko poema
Mamud Darwich
Sagar bat itsasoan. Ortzadarretan moldatu
odolezko emakumea
hitzaren dameroa
arimaren ondarra. Izarrintz etsitua
itzalaren lurrean hautsi ilargia
Beyruth. Urtxoen bizkarretan argitasunaren
hiazinta trakesak
amets baten eran altxatuko ditugu. Nahiko
dugunean eraikiko ditugu. Lepoetan jarriko
ditugu
Beyruth etxe erorien lis
lehen musu. Eukaliptoaren gorazarre. Itsasoarentzat
estalgi eta hilak
izarren eta denden teilatu
harriaren poema. Papo baten bi alauden
arteko kuskaldia
arkaitzetan eseri oro pentsati zeru alarguna
lore entzungarri, Beyruth. Bitimaren eta
ezpataren bereiz bidea
legearen taulak eta mirail guziak eror arazi
dituen eta gero lokartu den
haurra.