inprimatu
Josua
Izenburua:
Josua
Sinadura:
Auxtin Zamora
Urkizaren iruzkina:
Egilea(k):
Zamora, Auxtin

Argitalpena:
Maiatz.
Urtea:
1988
Argitalpenaren urtea:
Alea:
16.zk.
Orrialdea:
2

Josua

 

Auxtin Zamora

 

 Nebadako desertuan,

 bururatzerat dohan

 egunak

 haizearekin

 jelosias

 zaflatzen du Josua kaktoa,

 ez diozka barkatzen

 iduzkiari

 sartze suzko tokian

 bere xixtekin

 egiten dizkion

 marra ilun urdinak,

 ez diozka barkatzen

 bakardadean

 buruz buru

 iduzkiari

 erraten dizkion

 "Bihar artino" amultsuak!

 Ez, ez dio deus barkatzen!

 Bainan futitzen da

 Josua kaktoa!

 badaki

 egunaren hasarre gorriak

 jabalduko dituela laster

 bere ama beso bihurritsuetan!

 


inprimatu