Bakarrik hautsak daki zer erran nahi duen bururaino...

Joseph Brodsky

 Bakarrik hautsak daki zer erran nahi duen bururaino

 erretzeak. Aitortuko dut alta, aintzinerako bixta laburreko

 begirada batez: ez dela dena haizeak eramana, eta kortea

 zabalki garbitzen duen erratzak ez duela oro biltzen.

 Geldituko gara, zigarrokin zimurtu, thu, itzalean,

 arraiorik sartzen ez den jargipean, eta lohiari tinkoki

 loturik, egunak kondatuz, lurbeltz egingo gara, lapa,

 kultural azal. Bere pala zikinduaren aurrean, arkeologoak

 ahoa zotin batez irekiko du; baina bere aurkikuntzak

 unibertsoa ozenduko du, lurrean ehortzi pasione baten gisan,

 piramiden alderantzia bezala.

 "Sarraskilari!" oihukatuko du erraiak atxikiz,

 baina gutarik lurra txorietarik baino urrunago izango da,

 sarraskilari izatea, zeluletan libre izatea baita, osotik aske

 zatikien apoteosisa.