"Ainhoa" izena duen nini ttiki bati
Kosepa Irazusta
Jazgo ilbeltzan sortu zinen
Gurasoak kezkaz beterik
Elurrak emeki nola bazterra
Xuritzen zuen ikusten leihotik
Eta bidean, polizia...
Aita-ama libre ibiltzeko
Nolabaiteko baimenik ez
Eta zu mundura etortzen...
Errefuxiatuak zirelako
Indarkeriari beldurrez
Gau eta egun dardarka
Non nork joko zuen maltzurka...
Gizakiok lur zati bat dugula
Bana eta geure herriarena
Beti bera izanen dugu kopla
Kanaki edo Palestina
Tamul edo Tibetekoa,
Arrotz lurra arrotzarena
Bainan geure lurraldetan
Beti Libre eta nagusi.