Urezko herri hau
Jean Louis Davant
Gabrielen anuntzioz
harrizkoa dela uste du herri honek,
haize ta ur da ordea
eme sakon eta iheskorra
ezin muga ez finka ez izartua
eta maite dugu.
Bere jarioan
dena du lanotzen
odei uxter eginez
oro beretzen
izar ihintza bezala
eta hitzik ezin du gatzatu.
Tontor zabal eta ibar hestuen herria
goroldioan ur ttantta bezala
zizela iresten duzu
erdoilak jan dezan
arkaitza ferekatzen
buztinez ito arte.
Beraz idazkirik ez daukazu
ele soila duzu aske
arrain edo xori.