Seme baten eskerrak

Jean Louis Davant

 Eskerrak zuri aita, eskerrak betiko

 Nola lehen Niniban eta Babilonan

 Egun Haiti, Manillan, bai eta Baionan

 Haur apalenen botza baituzu begiko.

 Alde bat gintuztela zepoan hetsiko

 Hara beldur astuna gu baitan zagona

 Beharrik hor daukagu Piarres artzain ona

 Esperantza pizle ta ez dugu etsiko.

 Indarraren munduan azkarraren habe

 Gogo-bihotzen aurka daude ahal gabe

 Kaesarren legioneak eta epaileak.

 Argiz eta pindarrez bizi-emaileak

 Izpirituarenak dituzkegu zizpak

 Iraupen ederraren anai et'ahizpak.