Nesken ebaslea
Mayi Pelot
Herriko neskatxak iturri ondoan
Iturri ondoan jarririk jolasean
jolasean solasean mutil batez ari
"mutil eder bipil bat ta abialari"
Baratzeko pikoak hiru txorten ditu
hemendik dabilanak oinak arin ditu
neskatxek begi guti soroko loreari
mendikoari aldiz mila ezpain gorri
1:
"Liraina zen ta haren itzala
luze nabarra plazaren erdian
biraka biraka zihoan...
Abiatu zen goizean
oinetan ihizea bazuen
sakelan aizto argia
Banakien bazuela bat eta bi ere
esperantza galdurik ez nengoen ni ere"
2:
"Dar dar zegoen ta nere besoetan
artile beroa aurkitu zuen
xuri zegoen ta nere haragian
gorria bilatu zuen
abiatu zen goizean
sabelean bakea zuen
sakelan aizto argia
Banakien ukan nuela bat eta bi ere
esperantza galdurik ez nengoen ni ere"
3:
"Horaila zen ta haren besoetako
zain hanpatuen taupadak
nere ezpainetan ozenak ziren
abiatu zen goizean
ahur hetsiak zituen
sakelan aizto argia
Banakien bazuela bat eta bi ere
esperantza galdurik ez nengoen ni ere"
4:
"Gogorra zen ta nere gerrian
sabuka malgua aurkitu zuen
ixilik zen ta nere abotsean
oihartzun beltza bilatu zuen
abiatu zen goizean
ahoan beruna zuen
sakelan aizto argia
Banakien ukan nuela bat eta bi ere
esperantza galdurik ez nengoen ni ere"
5:
"Su karra zen ta nere ohean
egur berdea aurkitu zuen
samiņa zen ta nere ahoan
hitzaren iturria ito zuen
abiatu zen goizean
ezpainetan ilargi hotxa zuen
Sakelan aizto argia
Banakien bazuela bat eta bi ere
esperantza galdurik ez nengoen ni ere"
6:
"Lurrezkoa zen ta nere bazterrean
itsasoko gatza aurkitu zuen
egarri zen ta nere arnasean
usas laņoa bilatu zuen
aurkitu zuten mendian
mateletan bizar horaila zuen
sabelean aizto argia"
7:
Baratzeko pikoak hiru zauri ditu
mendian dabilan horrek oinak arin ditu
oinak arinak ta odola astunago
Neskatxek begi guti logile onari
ibiltariari
ehun
begi
gorri