Amaren heriotza
Patxika Etxalai
Heriotza, heriotza
Nere gorputzeko ikara
Nere bihotzeko iluna
Nere izaitearen ahula
Lekuko hor daudela
Bai ihes egin dauzut
Bai beldurtu nauzu.
Hor nintzelarik aintzinean
Zu hor zinen gibelean
Senditzen zinela bidean
Bainan ez sinetsi nahian
Etorriko ez zinelakoan
Zonbat oren ilunean
Itzuli mitzuli gogoetan
ETA AZKENEAN
Hor zinauden aintzinean
Eta ni eskapu gibelean
Hatsa azken agurrean
Boza auhenean
Etorri zira ixilean
Gauaren gauean
Eta ni urrunean...
Goiz edo berant
Zu ganik
Ez da eskapurik
Hori badakigularik
Zendako egon beldurrik
Nik ez dezaket bertzerik
Zer podere duzun
Ez jakin nik
Oi heriotza
Zer hotza
Zer zitoa
Zer ikara.
|