|
Goitik, ordu aspertuak...
Sesmero-Cutanda
Goitik, ordu aspertuak;
beheitik, hautsak.
jadanik ez nau behar
arratsak.
Joan harbel orenak,
eta azkenak
laharrean;
joan jantzi zuria,
lore hautsia,
hezea,
odol leizea.
Goitik, hitz premiatsuak
maitasun antza.
Zimeltzen zait irrien
azantza.
Joan lohizko lana,
haurņo bakana,
iheska;
joan fruituen gaua,
gizon ardaua
asea;
hutsik etxea,
Goitik, kanpai hertsiak,
geroko latza.
Zorrotzen du haizeak
orratza.
|
