Donostiarrak

Ellande Arandia

 Bost minutu gelditzen dira ta beti zero-zero

 Realak behar du gola bat txapeldun izateko.

 Ufarte ate-arean, zango azpietan dago

 Satrustegiri ematen dio baloia bururako.

 Harek ulertu gabe botatzen du aurrera gora

 Ostikada batzu eta gero, baloia galtzen da.

 Alboko sakeatik ateratuz erdira doa

 Eta baloia gosez, denak ari dira korrika.

 Ezker eskuin, esku ala zango, guziak ostiko

 Txartel hori eta gorriak badaude minutero.

 Madrilgoak kaskoekin ari dira atakean

 Arbitroa lagun, pagatua baitute hastean.

 Azkenean, burukada batez Zamorak du sartu

 Bere jokolari lagunek luzaz dute itotu.

 Geroztik, ez dut ezer gehiago entzun ta ikusi

 Baizik eta alkol basoak eta kantuak noski.