Ez dute ezer
Ellande Arandia
Ez dute ezer egiten, hor daude metaka
Egun ilunez zerbait xekatzen dute bada
Bat dago negarrez bestea beti eztulka
Ezin jasan bizia, edaten dute vodka.
Haien aitamak barnean, hamar bat haurrekin
Dute zaintzen etxea, esperantza gabekin
Eguzki ala ortzia, dena gaizki haiekin
Ez dira akomatzen, herriko podereakin.
Haien aitonak ta amonak ixilik dira
Supazterrean egun guzia egoten dira
Gazteek ahantzi dituzte aspaldi dela
Telebista bakarrik dute erlazio gisa.