Ah, ah!

Paol Keineg

 (frantsesetik itzulia zatiak )

 3.

 Harri lauzko Krixto, ondarkin kritiko gurutze

 gainean: arbol hautsiaren eran, bikoizkerien errege

 behi esnadunen artean burutik behera.

 Lehen maitalea eta aberriaren aitak:

 haritz tindatuzko galtzetan sainduak, madarikatua

 eta errabiaz irakiten ari den borrobil batean.

 Sendi itsuen erdian Krixto trenputxartua,

 aldi berean, nagusia eta iraganean trebeska

 etzana den eskalea litzatekeena.

 Petrolioa punta batetik bestera. Metensikosien

 polizi gela. Odola dabil...

 4.

 Borrobilkatzen den egunak inguratu harriak

 zirkuluan: histori sineskaitzak, arima zenduak,

 kolorezko hondamenak. Gure ekaien osagarriak.

 Bi eskuak bertzean, Pontzio Pilatus aintzina

 doa. Krixtok odola igortzen du: ez pentsa ezer.

 Harrian markatu arratsaldeko hiruen iluntasunak.

 Pengwern desmatatuan, printzeak alkoholari eta

 zuizidioari makurtuak dira. Telekomunikazioen

 musika. Hitzen bildumetan, haize ttiki gordina.

 Pengwern irentsian, propagandaren garra

 eta urrezko aratxearen zelaia. Zeru astuna edertzen

 ari da. Eta eguzkia, eguzkiak konformitatea

 argitzen du.