Il est denfendu de cracher par terre eta de parler breton
Paol Keineg
Begi eta ezpain ezabatuak
Arpegiko hezur lehertuak
Zainetako odol hotz putzuak
Behatz erro moztuak
Gure hatsaren elorri eihartua.
II est défendu de cracher par terre
et de parler breton.
Gure herrialdea, besoaz
Gerizatzen den ume ahalgetu
Kukubilkatu bat
Mozten eta txertatzen duten
Laban hormatuen eta haixturren aurka.
II est défendu de cracher par terre
et de parler breton.
Goiz nabar beltzetan
Haur zatikatuz metatu hiltegia
Burumuin berri laburtu eta legunduak
Ixiltzen diren ahoetan beldurraren ardatiloa
Atzaparrez eta orratzez makurtu plegatu erraiak.
II est défendu de cracher par terre
et de parler breton.
Ametsa eta errealitatea debekatu dituzte
Beren orden ustelduaren usainaren pean
Huts erraldoi bat eskaini digute
Beren krimen ugaritasunez hantuak
Gure herriaren oldartze nahiz hantuak
Lokatzean itorik, zain gaude.