Esker onezko akta
An Touseg
Spellman kardinaleari.
Arren lagunak, elkarrekin kanta dezagun,
ordu da bere emaitzez aberastu gaituen
ongi egile benedikatua eskertzeko,
Marianne, agertu zait,
sobera denboraz ahantzi dela
herri honetako jendeen joan arazteko
zenbat genio ukan behar izan duzun.
Eskerrik asko zure askatasun maitearentzat,
duzun gizadiaren amodio handiarentzat,
badakigu zer erran nahi duen
Vietnamen eta Algerian,
zure para eta txakurrentzat
gogor, hotz eta medailaturik
ohorezko zelaietan lokartzeko
suertedun izan diren guzientzat.
Eskerrik ainitz ere zure kulturarentzat
aho likitsen hersteko baliatu zaizunarentzat,
zugabe mintzatzeko desioa zuten,
bost mendeetan zehar gure oihuak
ixildu behar izan ditugulako,
gure hizkuntz hatsantuarentzat
milesker handia Marianne goxoa.
Gure aiten bihotzetarik
ebatsi duzun maitasunarentzat,
beren amets eder zipilduentzat,
zure gesta dei per Francos,
gure urdeentzat, zure azalentzat
eta gure bost departamenduentzat
Landivisioko "mirages" engatik
eta Koetkidaneko kasoarentzat
Gure etxalde zitzifrikatua,
zure mutil kaskadunentzat,
alanbreak eta laborari kondenatuak
zure putetxeak eta gure putentzat,
eskerrikasko zure burgesen triparentzat
eta mehe degiten gure langileriarentzat,
Sant-Nazaren ordena nagusi delari
zein gozo den Justiziaren herrian bizitzea.
Izorratu gaituzun zure hitzentzat
eskerrak oraino,
zainak berotzen dizkigun zure ardoarentzat
gure odola ttanttaka ixurtzen delarik,
zure idurikoek deusik ez dakite
beharko ote da Prantziarentzat hil
ala, paketeak bildu Parisera joateko?