Ama indazut atorra
Lucien Etxezaharreta
Habil eta so egin esan
Larre soroen magaletan,
larrazkeneko ziramolak,
badator haize firfira.
Gizonik denez ageri
Jaunen aginduak eskuan,
jauntzirikan beren oskolak,
horraraino jinak dira.
Hiru dotzena bazabiltzala
Manu kunplitu beharretan,
izanikan ere gogorrak,
ez ahantz, Frantzian gira!
Borta batetik bestela
Hemengoak beude bakean,
xukatu beharko odolak,
goizeko maldan behera.
Haigü bortala
Atea jo da, Plaxentenian,
bisten zaizkitzula gogoak,
jalgi behar duk argira.
ütziiliren hiz berhala
Ezin diagu hitz barnean,
erakuts paper eta notak,
oi ezpataren dirdira...
ama
ikusi duzu joko dutenaren beldurra?
bere gorputzaren daldara
gogorro
ikusi duzu hemen den gauza?
lurrean hil botza
oihu garratza
ikusi duzu hiltzailearen berra?
udazkenaren ederra
eta gerra
indazut atorra
noizbait loratu zen primadera,
doa, egunetik egunera,
arbolan hostoaren minbera
joan beharko urruti aldera
menturaz sekulakoa
hor da aberriaren amaia
heriotzak zaitu ezkongaia
harmak eskuan zara, anaia,
hasten duzula zure bidaia,
zuri begira Orhi eta Aia,
uren indarrek sortu ibaia,
orain zara itsasoko kaia,
menditikan irrintzi alaia,
libertatearen atalaia.