Nire nigarra...
Tere Irastortza
Nire nigarra
ez da malkotan
begietara iristen;
ez da zotinka
ezpainetara igotzen.
Nire nigarra
ez da kolpeka
nire eskuetara etortzen,
hor, loturik gelditzen da
eztarri inguru hortan,
katiaturik
mingain parean.
Nire nigarrak
barruantz ematen dituen
kolpeak,
barruan egiten dituen
ituteak,
barruan uzten ditu
zotinak
ez baida azaltzen
nire nigarra
hor dagoelarik.
|