inprimatu
Abendu bilutsiko...
Izenburua:
Abendu bilutsiko...
Sinadura:
Gotzone Sestorain
Urkizaren iruzkina:
Egilea(k):
Sestorain, Gotzone

Argitalpena:
Maiatz.
Urtea:
1985
Argitalpenaren urtea:
Alea:
9.zk.
Orrialdea:
13

Abendu bilutsiko...

 

Gotzone Sestorain

 

 Abendu bilutsiko

 urdin urreztatuaz busti

 egun horietakoa zen,

 urrezko uhin herabez

 bainatua izan arren

 malko gezi garratzetan

 urkaturikoa,

 abendu bilutsiko

 egun ezin ahantzi hartan

 zen bai,

 portzelanazko bihotz nimino hark

 hesi kateatuez gainetik

 mendi hauen zorrotza ere

 jauziz

 ortzemugaren marra uhelduaz at

 ahaidetu zenean.

 

 Abendu bilutsi ankerrean

 bai.

 

 Eta gauero,

 iragazki azabatxean

 kristaltxo majikoez birrindu

 hutsarte kosmikoan

 ilargiaren danbore izoztuak

 dagizkin hari mehetan

 diztiratzen du

 zure haur begiratuak

 hain hari hauskor eta hozkilduak

 non edertasunaren betile lehun diren

 erditu zintuenaren masail saminez

 zartatua laztanduz

 

 Eta gauaren hotzean

 mendi elurtuak

 zure ezpainetatik ernatu

 txori berritsuak

 ihintz tanta musikadunez

 ereiten ditu

 zuhaitz larrugorriak ere,

 zure ahots ukatuaren doinuak

 etengabe errepikatzen dituztelarik

 apika

 zure mendekuaren ohiartzunak

 izan daitezken eresi minkatzak.

 


inprimatu