Euskara ukatzen duen...

Iratzeder

 Euskara ukatzen duen Euskalduna

 ez da gizona.

 Sistu-airerik ez badu,

 zer da xoria?

 Argi-dirdirik ez badu,

 zer, iguzkia?

 Ardi-joarerik ez badu,

 zer da etxola?

 Bihotz-pilpirik ez badu,

 zer, xaramela?

 Euskara,ukatzen duen Euskalduna

 ez da gizona.

 Aments-lillurik ez badu,

 zer da gau-loa?

 Uhain-jauzirik ez badu,

 zer, itsasoa?

 Moltsak dirurik ez badu,

 zer da irria?

 Iturbururik ez badu,

 zer, iturria.

 Euskara ukatzen duen Euskalduna

 ez da gizona.