Emazte paregabea

Daniel Landart

 Lehenik jeikitzailea

 Gosari prestatzailea

 Ohearen egilea

 Zikinen garbitzailea

 zu, ene andrea

 oi andre maitea

 etxeko andrea...

 Janari moldatzailea

 Baxeren xukatzailea

 Jantzien lisatzailea

 Galtzen pedaxatzailea

 zu, ene andrea

 oi andre maitea

 etxeko andrea

 Lau haurren altxatzailea

 Xuhurki bizitzailea

 Goxoki mintzatzailea

 Zinez, ziniez langilea

 zu, ene andrea

 oi andre maitea

 etxeko andrea...

 Fedearen zaintzailea

 Bertute oroz betea

 Gauerako maitalea

 Emazte paregabea

 zu, ene andrea

 oi andre maitea

 etxeko andrea...

 Zergatik bada zergatik

 Goiz batez ez zara lehenik iratzartu?

 Ez dituzu esnea eta kafea berotu?

 Zergatik bada zergatik,

 Ez dituzu haurrak eskolara segitu?

 Jantziak lisatu, galtzak pedaxatu?

 Zergatik bada zergatik,

 Zatzaizkit hain bortitz mintzatu, haserretu?

 Zergatik bada zergatik,

 Zatzaizkit behin betikotz oldartu?

 zu, ene andrea

 oi andre maitea

 leiala

 ixila

 humila

 apala

 zu, ene etxek'andrea

 emazte paregabea...