Laneko lagun bati

Daniel Landart

 Ez zuen aspgldi ez

 Elkarrekin tan egiten genuela...

 Zenbat ote

 Sei hilabete?

 Behar bada gehiago...

 Behar bada gutixago...

 Funtsean zer munta du?

 Baina halere, elkarrentzat,

 Ba genuen halako

 Adiskidantza bizi bat.

 ***

 Langile ona zen, arras ona

 Eta langile trebea.

 Baina oroz gainetik

 Gostu nuen harekin solastatzea...

 Denetaz mintza zitekeen

 Denetaz ba zekien zerbait

 Politikaz, ekonomiaz, kulturaz...

 Eta bereziki, bereziki

 Ba zekien eta nola!

 Langileen zuzenak zein diren!

 ***

 Baina horra!

 Nagusiek ez dituzte maite

 Horrelako langileak.

 Langile buru-argiak...

 Zeren horrelakoak (oi gaixtoak!)

 Horrelakoek baitituzte

 Beste langileen kaskoak berotzen,

 Sua pizten, saltsa muntatzen

 Eta, eta... nagusiaren interesak

 Arriskuan ezartzen!

 ***

 Beraz, beraz,

 Gauzak sobera sumintzera utzi aitzin,

 Eta dirudunak beti errege egon daitezen...

 Gaixo, gaixo, gaixo nagusi

 Euskaldun fededun kartsuak,

 Hau dela eta hura dela,

 Dena estakuru-mestakuru

 Eta bixtan da lantegiaren onerako:

 Eta langile laguna

 Kanpora igorri du!

 ***

 Erranen didazue gero

 Euskaldunen artean

 Klase arrazorik ez dela...

 Hauxe bada gezur ustela!