Lantegiko hamar mandamenduak

Daniel Landart

 Lehena:

 Nagusiak dituzu maitatuko

 bai eta

 ahal bezain ongi zerbitzatuko

 Bigarrena:

 Lanaren hasteko eta uzteko

 orduak

 dituzu beti errespetatuko

 Hirugarrena:

 Lanean denborarik ez galtzeko

 ez zara

 inoiz lagunekin solastatuko

 Laugarrena:

 Nagusiak arrazoin duelako

 denetan

 ez zara haren kontra mintzatuko

 Bosgarrena:

 Telefona ez duzu hunkituko

 ahalaz

 kanpotik inork ez zaitu deituko

 Seigarrena:

 Lan presatu baten aintzinatzeko

 beharrez

 igandean aritzea onartuko...

 Zazpigarrena:

 Ongi irabazten duzulako

 ez duzu

 emendazionerik galdatuko!

 Zortzigarrena:

 Nagusiak hazten zaituelako

 agian

 ez diozu ezerrez ebatsiko

 Bederatzigarrena:

 Nagusiak baitira beharrezko

 sekula

 ez duzu haien lana trabatuko

 Hamargarrena:

 Ta gauean langileek eskainiko

 pottotta

 ta ipurdi nagusiarendako !