Fermini

Manex Lanathua

 Sakela ziloetan.

 Galtzak hertsi gerrian

 tripako minek kurrunka,

 espartin beltzak zuri errautsean

 aztalean kalitxo

 zirtzil,

 biki beltzaren gizenak biloetan

 hortxet noa

 laborari heziaren mahastian

 xori gorri ohildua.

 Golkoen zirristak sabelean

 pozoin ubelen kirestasunak zintzurrean

 ihaloskatzen naiz eta zikintzen

 mozkorkerien parabisuetan.

 Hastio ditut ur garbi guziak

 eta maite ezpain zokoetako bapore esnetsuak,

 begiak lanbrotsu

 usain tzarren amoretan

 banoa laborari heziaren mahasti herrunketan

 ukomiloak asarre

 sakela ziloetan.