Kixote berria

Jean Louis Davant

 Oraiko Don Kixote astoz badabila

 Edo bi zaldirekin mutila bezala

 Batetan du gorputza, bestean arima

 Gizon zatitua da gaurko euskalduna.

 Santxo aldiz badoa Mercedes batetan

 Bere uhartetxoaz araiz jabetzera

 Kixoteren nagusi egon da betitan

 Errotaren haizetik errex du eihera.

 Egiazkoak dira gaurko gizandiak

 Gizonezkoa berriz ehaiten dutena

 Santxok zerbitzen ditu bainan ez ikusten.

 Kontsola zaitez arren, Kixote haundia

 Berdin zatitua da haien erresuma

 Eta gure aleaz ari beti husten.

 Oso zatitua da oraiko gizona

 Ta zu zara batasun emaiten diona.