inprimatu
Aintzila sort berriari
Izenburua:
Aintzila sort berriari
Sinadura:
Jean Arrossagaray
Urkizaren iruzkina:
Egilea(k):
Arrossagaray, Juan Cruz

Argitalpena:
Maiatz.
Urtea:
1984
Argitalpenaren urtea:
Alea:
6.zk.
Orrialdea:
12

Aintzila sort berriari

 

Jean Arrossagaray

 

 1

 

 Aintzila herri maitea

 Goxotasunez betea

 Zu gurea ukaitea

 Atsegin hori handia dela

 Maite dugu erraitea

 Badugula suertea

 Zure seme izaitea

 Dago zinezko bakea

 

 2

 

 Zaitudan bezain maiterik

 Nihun ez dago besterik

 Zitaiken baino hoberik

 Jendea beti hemen bizi da

 Bihotza alegerarik

 Arrotza jiten delarik

 Hortaz ez dago dudarik

 Itzultzen dela trixterik

 

 3

 

 Zure lurrean sortuak

 Gazteak ta zahartuak

 Denak gira ohartuak

 Herria zuri ditugula guk

 Izaite oro hartuak

 Onenak eta gaixtuak

 Gaudeno zure fruituak

 Gora gure espantuak

 

 4

 

 Zonbat den zure adina

 Nehoiz ez dugu jakina

 Noitsu zaituzten egina

 Erran nahi dut bihotz barnetik

 Zaude nere atsegina

 Beraz hemendik aintzina

 Handia ginuke mina

 Bertzen eskuan bazina

 

 5

 

 Bizi gireno munduan

 Amaņo baten moduan

 Zaitugu gure goguan

 Ez beza nehork sekula erran

 Denbora joan onduan

 Behin hartuta buruan

 Kanpo toki urrunduan

 A! zer herri mina duan

 

 6

 

 Maitasun faltan ihesi

 Joanik ez dut ikusi

 Aintzila duenik utzi

 Holakorik bat kausi baladi

 Bihotzez nuke gaitzetsi

 Gezurrik nola sinetsi

 Ezin litaike iretsi

 Izena balaike hautsi

 

 7

 

 Duen izena haustea

 Dago herriko kaltea

 Ukatuz bere maitea

 Hola gertatuz erran behar da

 Sinezko ezin bestea

 Dela kalte suertea ,

 Min handienaz betea

 Omenaren itsustea

 

 8

 

 Omena galduz geroztik

 Lurrerat doa errotik

 Idai onena gogotik

 Gaizki doana hartu dezagun

 Tinki tinkia besotik

 Zuzendu dadin gaixtotik

 Nola arbola ostotik

 Trixteziako lanotik

 

 9

 

 Zuzentasuna begira

 Eta ereman ongira

 Hartze dugun iguzkira

 Herri maitea erakutsazu

 Zutaz daukazun dirdira

 Gezurretik ta egira

 Bihotzez zuzen bagira

 Igor gaitzala argira

 

 10

 

 Aintzilak urrun gakoak

 Lehen hedatutakoak

 Badauzka aspaldikoak

 Eginak beti segi ditzala

 Izaite onerakoak

 Azkar ditela flakoak

 Beti herri huntakoak

 Lagun gaitzala jainkoak

 


inprimatu